Londonning «Arsenal» klubiga tegishli bo‘lgan qanot himoyachisi Mayls Lyuis-Skelli hamon «Manchester Yunayted»ning qiziqishlar doirasida bo‘lib turibdi. Bu haqda Sky Sports jurnalistlari xabar bermoqda.

Manbaning qayd etishicha, «qizil iblislar» lateralni yozgi transfer oynasida o‘z safiga qo‘shib olishni rejalashtirmoqda. Shuningdek, mankunianliklarning e’tiborida Nataniel Braun («Ayntraxt») va Lyuis Xoll («Nyukasl») kabi futbolchilar ham bor.

Angliya Premyer-ligasining joriy mavsumida 19 yoshli Lyuis-Skelli 14 ta uchrashuvda maydonga tushib, 3 ta sariq kartochka oldi.

APLning 31-turidan so‘ng «Manchester Yunayted» turnir jadvalida uchinchi o‘rinni egallab turibdi.