«Milan» klubi yarim himoyachilar Leon Goreska va Bernardu Silva transferi ustida jiddiy bosh qotirmoqda.
Germaniyalik futbolchi mavsum yakunlangach, «Bavariya» safini erkin agent sifatida tark etishi aniq. Portugaliyalik yulduzning kelajagi esa hozircha noma’lum bo‘lib turibdi, biroq uning amaldagi shartnomasi ham shu yozda nihoyasiga yetadi. La Repubblica nashrining xabariga ko‘ra, «rossoneri» rahbariyati har ikki 31 yoshli futbolchini kelayotgan transfer oynasida o‘z safiga qo‘shib olishga qiziqish bildirmoqda.
Tarqalgan ko‘plab mish-mishlarga qaraganda, Goreska va Silvaga A Seriyaning boshqa vakillari ham da’vogarlik qilmoqda. Transfermarkt portali futbolchilarning bozor qiymatini mos ravishda 15 va 27 million yevroga baholagan.
