«Милан» клуби ярим ҳимоячилар Леон Горецка ва Бернарду Силва трансфери устида жиддий бош қотирмоқда.

Германиялик футболчи мавсум якунлангач, «Бавария» сафини эркин агент сифатида тарк этиши аниқ. Португалиялик юлдузнинг келажаги эса ҳозирча номаълум бўлиб турибди, бироқ унинг амалдаги шартномаси ҳам шу ёзда ниҳоясига етади. La Repubblica нашрининг хабарига кўра, «россонери» раҳбарияти ҳар икки 31 ёшли футболчини келаётган трансфер ойнасида ўз сафига қўшиб олишга қизиқиш билдирмоқда.

Тарқалган кўплаб миш-мишларга қараганда, Горецка ва Силвага А Сериянинг бошқа вакиллари ҳам даъвогарлик қилмоқда. Transfermarkt портали футболчиларнинг бозор қийматини мос равишда 15 ва 27 миллион еврога баҳолаган.