Germaniya terma jamoasi yarim himoyachisi Florian Virs bo‘lajak Jahon chempionatida jamoa bilan qanday natijalarga erishmoqchi ekanligi haqida gapirib berdi.

Juma kuni «Liverpul» futbolchisi Bundestimning Shveysariya terma jamoasiga qarshi kechgan o‘rtoqlik uchrashuvida (4:3) o‘zini ko‘rsata oldi va o‘z hisobiga ikkita gol hamda ikkita golli uzatmani yozdirib qo‘ydi.

«Jahon chempionatida g‘olib chiqishni maqsad qilganmizmi? Albatta, barchamiz finalga chiqishni va kubokni uyga olib kelishni istaymiz. Bu oson bo‘lmasligini bilamiz, lekin bizda ajoyib jamoa bor — niyatlarimizni yashirishdan ma’no yo‘q», — deya Virsning so‘zlarini keltirmoqda Bayern & Germany.

JCH-2026 musobaqasida Germaniya milliy terma jamoasi Kyurasao, Kot-d’Ivuar va Ekvador terma jamoalari bilan bir guruhdan joy olgan.