Германия терма жамоаси ярим ҳимоячиси Флориан Вирц бўлажак Жаҳон чемпионатида жамоа билан қандай натижаларга эришмоқчи эканлиги ҳақида гапириб берди.
Жума куни «Ливерпуль» футболчиси Бундестимнинг Швейцария терма жамоасига қарши кечган ўртоқлик учрашувида (4:3) ўзини кўрсата олди ва ўз ҳисобига иккита гол ҳамда иккита голли узатмани ёздириб қўйди.
«Жаҳон чемпионатида ғолиб чиқишни мақсад қилганмизми? Албатта, барчамиз финалга чиқишни ва кубокни уйга олиб келишни истаймиз. Бу осон бўлмаслигини биламиз, лекин бизда ажойиб жамоа бор — ниятларимизни яширишдан маъно йўқ», — дея Вирцнинг сўзларини келтирмоқда Bayern & Germany.
ЖЧ-2026 мусобақасида Германия миллий терма жамоаси Кюрасао, Кот-д’Ивуар ва Эквадор терма жамоалари билан бир гуруҳдан жой олган.
