«Roma»ning afsonaviy sobiq futbolchisi Franchesko Totti A Seriyaning joriy mavsumida kimlarning o‘yini unda katta taassurot qoldirayotgani haqida gapirib berdi.

Rimliklarning sobiq sardori 30 turdan keyin kutilmaganda turnir jadvalida to‘rtinchi o‘rinni egallab turgan «Komo» jamoasini alohida e’tirof etdi.

«Komo» — A Seriyaning eng jozibador jamoasi. Ular juda jipslashgan va jamoaviy jihatdan kuchli. Fabregas o‘z ishini a’lo darajada bajarmoqda. Pas esa — bu mavsumda liganing eng qiziqarli yosh futbolchisi. "Komo" Chempionlar ligasiga yo‘llanma olishi to‘liq mumkin, lekin men "Roma"dan umid qilaman», — deya Tottining so‘zlarini keltirmoqda jurnalist Nikolo Skira.

6 aprel kuni Sesk Fabregas shogirdlari safarda «Udineze»ga qarshi maydonga tushadilar.