Milanning «Inter» klubi yangi darvozabon qidirishda davom etmoqda. «Neradzurrilar» shartnomasi kelayotgan yozda yakuniga yetadigan Yann Zommerning o‘rnini to‘ldirishni rejalashtirgan.
Jurnalist Ekrem Konurning xabar berishicha, A Seriya grandi uchun asosiy maqsad «Tottenxem» a’zosi Gulyelmo Vikario bo‘lib qolmoqda, muqobil variant sifatida esa Madridning «Real» klubi posboni Andrey Lunin ko‘rilmoqda. Shu bilan birga, manbaning ta’kidlashicha, «Inter» «Roma» darvozaboni Mile Svilarni ideal nomzod deb hisoblaydi, biroq uni sotib olish ancha qiyin bo‘ladi.
Transfermarkt portali tomonidan 35 million yevroga baholangan Rim klubining 26 yoshli posboniga «Yuventus» va Angliyaning top-klublari ham qiziqish bildirmoqda.
