Shon Daych «Tottenxem» bosh murabbiyi lavozimiga asosiy nomzodlardan biri bo‘lib turibdi. Yaqinda «shporlar» ushbu postda bor-yo‘g‘i bir yarim oy ishlagan Igor Tudorning ketganini rasman e’lon qilishgan edi.

Shon Daych bilan muzokaralar haqiqatan ham olib borilmoqda, biroq jurnalist Sami Mokbelning xabar berishicha, 54 yoshli mutaxassis bir yarim yillik shartnoma imzolashni talab qilmoqda. London klubi rahbariyati esa faqat joriy mavsum yakuniga qadar mo‘ljallangan kelishuvni taklif qilishga tayyor. Tomonlar o‘rtasidagi asosiy to‘siq aynan mana shu bo‘lib turibdi.

Shuningdek, «Tottenxem» Roberto de Dzerbi nomzodini ham ko‘rib chiqmoqda, ammo italiyalik mutaxassis ishni yangi mavsum boshidan boshlashni afzal ko‘rmoqda.