Шон Дайч «Тоттенхэм» бош мураббийи лавозимига асосий номзодлардан бири бўлиб турибди. Яқинда «шпорлар» ушбу постда бор-йўғи бир ярим ой ишлаган Игор Тудорнинг кетганини расман эълон қилишган эди.

Шон Дайч билан музокаралар ҳақиқатан ҳам олиб борилмоқда, бироқ журналист Сами Мокбелнинг хабар беришича, 54 ёшли мутахассис бир ярим йиллик шартнома имзолашни талаб қилмоқда. Лондон клуби раҳбарияти эса фақат жорий мавсум якунига қадар мўлжалланган келишувни таклиф қилишга тайёр. Томонлар ўртасидаги асосий тўсиқ айнан мана шу бўлиб турибди.

Шунингдек, «Тоттенхэм» Роберто де Дзерби номзодини ҳам кўриб чиқмоқда, аммо италиялик мутахассис ишни янги мавсум бошидан бошлашни афзал кўрмоқда.