Yozgi transferlar davrida «Real» tarkibiga uch nafar futbolchi qaytishi kutilmoqda. Bu haqda Cadena Ser xabar berdi.
Manbaga ko‘ra, madridliklar safiga hujumkor yarim himoyachi Niko Pas hamda hujumchilar Viktor Munyos va Endrik qaytadi. Ushbu futbolchilar «qaymoqranglilar»ning mavsumoldi tayyorgarligida ishtirok etadi.
19 yoshli Endrik qishda ijara asosida «Lion»ga o‘tgan edi. 21 yoshli Pas hozirda «Komo», 22 yoshli Munyos esa «Osasuna» safida to‘p surmoqda. Biroq «Real»da ushbu futbolchilarni qayta sotib olish imkoniyati mavjud.
Ayni paytda «Real» Ispaniya chempionati jadvalida ikkinchi o‘rinni egallab turibdi va «Barselona»dan to‘rt ochkoga ortda qolmoqda. Terma jamoalar o‘yinlaridan keyingi navbatdagi bahsni madridliklar 4 aprel kuni safarda «Malyorka»ga qarshi o‘tkazadi.













