«Yuventus» klubi «Manchester Yunayted» yarim himoyachisiga qiziqish bildirmoqda. A Seriya grandining e’tiboriga Manuel Ugarte tushgan.

Seshanba kuni Urugvay terma jamoasi Jazoirga qarshi o‘rtoqlik uchrashuvini o‘tkazadi. O‘yin Turinda bo‘lib o‘tishi sababli, «Yuventus» uchun Ugarteni amalda kuzatish qulay imkoniyat hisoblanadi. Shu maqsadda «keksa sinyora» sport direktori Marko Ottolini stadionga tashrif buyuradi. Bu haqda La Gazzetta dello Sport nashri xabar bermoqda.

24 yoshli Ugartening «Manchester Yunayted» bilan amaldagi shartnomasi 2028/2029 yilgi mavsum yakuniga qadar mo‘ljallangan. Nufuzli Transfermarkt portali mutaxassislari futbolchining bozor qiymatini 30 million yevroga baholamoqda.