Yevropaning bir nechta grand klublari "Bryugge"ning 21 yoshli hujumchisi Nikolo Trezoldiga qiziqish bildirishmoqda.

Yosh forvardning o‘yinlarini Dortmundning "Borussiya" va "Bayer" klublari diqqat bilan kuzatib bormoqda.

Shuningdek, Londonning "Arsenal" klubi futbolchi bo‘yicha so‘rov yuborgan, biroq hozircha tomonlar o‘rtasida muzokaralar boshlanmagan. Bundan tashqari, o‘yinchi "Tottenxem" qiziqishlari doirasida turibdi. Italiya klublari ham Trezoldiga befarq emas.

Trezoldining ehtimoliy transferi 25-30 million yevroga baholanmoqda.

Joriy mavsumda Nikolo Belgiya chempionatining 30 ta o‘yinida maydonga tushib, 13 ta gol urdi va 3 ta golli uzatmani amalga oshirdi.