Европанинг бир нечта гранд клублари "Брюгге"нинг 21 ёшли ҳужумчиси Николо Трезольдига қизиқиш билдиришмоқда.
Ёш форварднинг ўйинларини Дортмунднинг "Боруссия" ва "Байер" клублари диққат билан кузатиб бормоқда.
Шунингдек, Лондоннинг "Арсенал" клуби футболчи бўйича сўров юборган, бироқ ҳозирча томонлар ўртасида музокаралар бошланмаган. Бундан ташқари, ўйинчи "Тоттенхэм" қизиқишлари доирасида турибди. Италия клублари ҳам Трезольдига бефарқ эмас.
Трезольдининг эҳтимолий трансфери 25-30 миллион еврога баҳоланмоқда.
Жорий мавсумда Николо Бельгия чемпионатининг 30 та ўйинида майдонга тушиб, 13 та гол урди ва 3 та голли узатмани амалга оширди.
