«Benfika»ning chap qanot himoyachisi Samuel Dal «Manchester Yunayted»ning qiziqishlari doirasiga tushdi.
Record nashri bergan ma’lumotlarga ko‘ra, «qizil iblislar» skautlari 23 yoshli futbolchining o‘yinini o‘n martadan ortiq kuzatishgan va u haqida ijobiy xulosalar berishgan. «MYU» shu yozda futbolchini sotib olish imkoniyatini ko‘rib chiqmoqda, biroq «Roma» himoyachining keyingi sotuvidan 40% ulush olish huquqiga ega. Bu esa transfer summasining oshishiga sabab bo‘lishi mumkin.
Samuel Dal 2025 yilda «Roma»dan «Benfika»ga to‘qqiz million yevro evaziga o‘tgan edi. Shvesiyalik futbolchining shartnomasi 2029 yilning 30 iyuniga qadar mo‘ljallangan. Joriy mavsumda himoyachi Portugaliya klubi safida barcha musobaqalarda 46 ta o‘yinda maydonga tushib, ikkita gol urdi va ikkita golli uzatmani amalga oshirdi.
