«Бенфика»нинг чап қанот ҳимоячиси Самуэль Даль «Манчестер Юнайтед»нинг қизиқишлари доирасига тушди.
Record нашри берган маълумотларга кўра, «қизил иблислар» скаутлари 23 ёшли футболчининг ўйинини ўн мартадан ортиқ кузатишган ва у ҳақида ижобий хулосалар беришган. «МЮ» шу ёзда футболчини сотиб олиш имкониятини кўриб чиқмоқда, бироқ «Рома» ҳимоячининг кейинги сотувидан 40% улуш олиш ҳуқуқига эга. Бу эса трансфер суммасининг ошишига сабаб бўлиши мумкин.
Самуэль Даль 2025 йилда «Рома»дан «Бенфика»га тўққиз миллион евро эвазига ўтган эди. Швециялик футболчининг шартномаси 2029 йилнинг 30 июнига қадар мўлжалланган. Жорий мавсумда ҳимоячи Португалия клуби сафида барча мусобақаларда 46 та ўйинда майдонга тушиб, иккита гол урди ва иккита голли узатмани амалга оширди.
