Braziliyaning «Flamengo» klubi Ispaniyaning «Almeriya» jamoasi ustidan qarzdorlik masalasida sudga murojaat qilishga tayyorlanmoqda. Qizig‘i shundaki, «Almeriya»ning 25 foiz aksiyalariga afsonaviy Krishtianu Ronaldu egalik qiladi.
Hammasi 2024 yilda «Almeriya» futbolchi Lazaro Vinisiusni sotib olganidan boshlangan (keyinchalik ma’lum bo‘lishicha, transfer qarz evaziga amalga oshirilgan). Lazaro allaqachon Ispaniya klubida o‘z faoliyatini yakunlab (u yerda unchalik muvaffaqiyat qozona olmadi, faqat bir marta xet-trik qayd etgan), Braziliyaning «Palmeyras» jamoasiga qaytib ulgurdi. Biroq uning transferi uchun to‘lanishi kerak bo‘lgan taxminan 2 million yevro miqdoridagi qarz hamon yopilmagan.
«Flamengo» huquqshunoslarining ta’kidlashicha, ushbu qarzdorlik bundan roppa-rosa yigirma oy avval — ya’ni 2024 yilning yozida bartaraf etilishi kerak edi. Ammo hozirgacha to‘lov amalga oshirilmagan.
