"Tottenxem"ning yangi bosh murabbiyi Roberto De Dzerbi, agar jamoa Chempionshipga tushib ketsa ham, klubda qolishini tasdiqladi. Hozirda "shporlar" 30 ochko bilan APLda 17-o‘rinni egallab turibdi va xavfli hududdan atigi bir ochko masofada joylashgan.
Jamoa haqida
"Men futbolchilarimga ishonaman. Biz kimligimizni va qo‘l ostimizda qanday ijrochilar borligini yodda tutishimiz kerak, chunki bizda juda kuchli o‘yinchilar yig‘ilgan. Ularga va ularning mahoratiga ishongan holda mehnat qilishimiz lozim. Ular nimalarga qodir ekanliklarini va nimalarga o‘rganishganini ko‘rsatib berishlari kerak.
Biz jasur bo‘lishimiz kerak. Futbolchilarning sifatlaridan foydalanib o‘ynashimiz lozim, chunki men bu chorlovni qabul qilgan ekanman, demak, o‘yinchilarga to‘liq ishonaman. "Tottenxem" tarixi — bu juda aniq o‘yin uslubi demakdir".
O‘z falsafasi va muxlislar kutayotgan uslub haqida
"Menimcha, hozir futbol falsafam haqida gapiradigan vaqt emas. Mavsum yakunida bu yerga keldim, chunki biz o‘yinlarda g‘alaba qozonishimiz kerak. Futbolda o‘yin uslubi va taktik tayyorgarlik muhim... Lekin bu shu bilan birga mentalitet hamdir. Men futbolchilarga eng yaxshi ruhiy holatga chiqishlariga yordam bermoqchiman".
Kelasi mavsumda jamoani boshqarishi haqida (hatto klub APLdan tushib ketsa ham)
"Men besh yillik shartnoma imzoladim, chunki bu men uchun katta chorlov. Nima bo‘lishidan qat’i nazar, kelasi mavsumda ham "Tottenxem" murabbiyi bo‘laman", — dedi De Dzerbi klub mediasiga bergan intervyusida.
