"Тоттенхэм"нинг янги бош мураббийи Роберто Де Дзерби, агар жамоа Чемпионшипга тушиб кетса ҳам, клубда қолишини тасдиқлади. Ҳозирда "шпорлар" 30 очко билан АПЛда 17-ўринни эгаллаб турибди ва хавфли ҳудуддан атиги бир очко масофада жойлашган.
Жамоа ҳақида
"Мен футболчиларимга ишонаман. Биз кимлигимизни ва қўл остимизда қандай ижрочилар борлигини ёдда тутишимиз керак, чунки бизда жуда кучли ўйинчилар йиғилган. Уларга ва уларнинг маҳоратига ишонган ҳолда меҳнат қилишимиз лозим. Улар нималарга қодир эканликларини ва нималарга ўрганишганини кўрсатиб беришлари керак.
Биз жасур бўлишимиз керак. Футболчиларнинг сифатларидан фойдаланиб ўйнашимиз лозим, чунки мен бу чорловни қабул қилган эканман, демак, ўйинчиларга тўлиқ ишонаман. "Тоттенхэм" тарихи — бу жуда аниқ ўйин услуби демакдир".
Ўз фалсафаси ва мухлислар кутаётган услуб ҳақида
"Менимча, ҳозир футбол фалсафам ҳақида гапирадиган вақт эмас. Мавсум якунида бу ерга келдим, чунки биз ўйинларда ғалаба қозонишимиз керак. Футболда ўйин услуби ва тактик тайёргарлик муҳим... Лекин бу шу билан бирга менталитет ҳамдир. Мен футболчиларга энг яхши руҳий ҳолатга чиқишларига ёрдам бермоқчиман".
Келаси мавсумда жамоани бошқариши ҳақида (ҳатто клуб АПЛдан тушиб кетса ҳам)
"Мен беш йиллик шартнома имзоладим, чунки бу мен учун катта чорлов. Нима бўлишидан қатъи назар, келаси мавсумда ҳам "Тоттенхэм" мураббийи бўламан", — деди Де Дзерби клуб медиасига берган интервьюсида.
