«Liverpul» darvozaboni Alisson Beker jamoa bosh murabbiyi Arne Slotning uni mavsum yakuniga qadar maydonga tusha olmasligi haqidagi so‘zlariga munosabat bildirdi.
«Menda hech qanday yangi jarohat yo‘q. Ayni damda muolajalarni davom ettiryapman va rejaga ko‘ra, aprel oyining oxirigacha o‘yinlarga to‘liq tayyor bo‘laman!» — deb yozdi braziliyalik posbon o‘zining X ijtimoiy tarmog‘idagi sahifasida.
33 yoshli Alisson joriy mavsumda «Liverpul» safida barcha turnirlarda 34 ta o‘yinda maydonga tushib, 36 ta gol o‘tkazib yubordi. Darvozabonning klub bilan amaldagi shartnomasi 2027 yilga qadar mo‘ljallangan.
