Fransiyaning «PSJ» klubi bosh murabbiyi Luis Enrike qanot hujumchisi Dezire Duening «Tuluza»ga qarshi kechgan so‘nggi o‘yindagi (3:1) harakatlariga baho berdi.

«Dezire Due — hujumchi, biroq u yarim himoyada o‘ynadi va bu vazifani juda yaxshi uddaladi. U menga ham, terma jamoa murabbiyiga ham ushbu pozisiyada o‘ynay olishini ko‘rsatib qo‘ydi», — dedi ispaniyalik mutaxassis o‘yindan so‘ng.

Joriy mavsumda 20 yoshli vinger barcha turnirlarda 31 ta uchrashuvda maydonga tushib, o‘z hisobiga 10 ta gol va 7 ta golli uzatmani yozdirib qo‘ydi.