Франциянинг «ПСЖ» клуби бош мураббийи Луис Энрике қанот ҳужумчиси Дезире Дуэнинг «Тулуза»га қарши кечган сўнгги ўйиндаги (3:1) ҳаракатларига баҳо берди.

«Дезире Дуэ — ҳужумчи, бироқ у ярим ҳимояда ўйнади ва бу вазифани жуда яхши уддалади. У менга ҳам, терма жамоа мураббийига ҳам ушбу позицияда ўйнай олишини кўрсатиб қўйди», — деди испаниялик мутахассис ўйиндан сўнг.

Жорий мавсумда 20 ёшли вингер барча турнирларда 31 та учрашувда майдонга тушиб, ўз ҳисобига 10 та гол ва 7 та голли узатмани ёздириб қўйди.