«Liverpul» hujumchisi Muhammad Saloh Angliya Kubogi chorak finali doirasida «Manchester Siti»ga qarshi kechgan bahsda (0:4) penaltidan gol ura olmadi.
Uchrashuvning 64-daqiqasida misrlik futbolchi «shaharliklar» darvozaboni Jeyms Traffordni mag‘lub eta olmadi — posbon raqib zarbasini qaytarishga muvaffaq bo‘ldi.
Saloh mersisaydliklar safida ketma-ket ikkinchi o‘yinda penaltidan foydalana olmayapti. 18 mart kuni u Chempionlar Ligasi doirasidagi «Galatasaroy»ga qarshi bahsda ham (4:0) 11 metrlik jarima zarbasini golga aylantira olmagan edi.
