«Manchester Siti»ning norvegiyalik markaziy hujumchisi Erling Xoland jamoasining 2025/2026 yilgi mavsumdagi ishtiroki haqida fikr bildirdi.
«Biz uchun mavsum unchalik barqaror kechmayapti. «Manchester Siti» Chempionlar Ligasidan chiqib ketdi, bu bizni albatta xursand qilmaydi. Ammo oldinda bizni boshqa o‘yinlar kutmoqda», — deya skandinaviyalik to‘purarning so‘zlarini keltirmoqda ESPN.
So‘nggi uchrashuvda Xosep Gvardiola shogirdlari o‘z maydonida «Liverpul»ni 4:0 hisobida mag‘lub etishdi. Ushbu g‘alaba evaziga «shaharliklar» Angliya Kubogining yarim finaliga yo‘l olishdi.
Premyer-liga turnir jadvalida «Manchester Siti» ikkinchi o‘rinni egallab turibdi va peshqadam «Arsenal»dan to‘qqiz ochkoga ortda qolmoqda.
