Dortmundning «Borussiya»si va «Liverpul» klubi sobiq bosh murabbiyi Yurgen Klopp o‘zini hech qachon alohida ajralib turuvchi mutaxassis sifatida ko‘rmaganini tan oldi. Uning ta’kidlashicha, ish jarayonida shunchalik ko‘p muammo va savollar bo‘lganki, u doim ham to‘g‘ri yechimni bilmagan.
«Murabbiy bo‘lib ishlagan vaqtimda o‘zimni buyuk mutaxassis deb hisoblamaganman. Hech qachon bunday deb o‘ylamaganman va bu haqiqat. Har kuni boshimda shunchalik ko‘p ish va savollar bo‘lardiki, ba’zi vaziyatlarda nima qilishni bilmay qolardim. Qanday qilib hamma narsani oldindan bilish mumkin?
Agar odamlar men va Xosep Gvardiola (uni dunyoning eng zo‘ri deb bilaman) o‘rtasidagi raqobatni favqulodda hodisa deyishgan bo‘lsa, demak, men ham ancha yaxshi murabbiy bo‘lganman. Buni tushunardim, lekin oxirigacha his qilmagan ekanman. Endi esa men murabbiy emasman va orqaga qarab: "Vau, men haqiqatan ham ancha yaxshi ishlabman", deb o‘ylab qolaman», — deya Kloppning so‘zlarini keltirmoqda TV2.
Yurgen Klopp «Liverpul»ni 2015 yil oktyabridan 2024 yil yanvarigacha boshqargan. U «qizillar» bilan Chempionlar Ligasi va Premyer-liga chempionligi kabi ulkan muvaffaqiyatlarga erishgan edi.
