Дортмунднинг «Боруссия»си ва «Ливерпуль» клуби собиқ бош мураббийи Юрген Клопп ўзини ҳеч қачон алоҳида ажралиб турувчи мутахассис сифатида кўрмаганини тан олди. Унинг таъкидлашича, иш жараёнида шунчалик кўп муаммо ва саволлар бўлганки, у доим ҳам тўғри ечимни билмаган.
«Мураббий бўлиб ишлаган вақтимда ўзимни буюк мутахассис деб ҳисобламаганман. Ҳеч қачон бундай деб ўйламаганман ва бу ҳақиқат. Ҳар куни бошимда шунчалик кўп иш ва саволлар бўлардики, баъзи вазиятларда нима қилишни билмай қолардим. Қандай қилиб ҳамма нарсани олдиндан билиш мумкин?
Агар одамлар мен ва Хосеп Гвардиола (уни дунёнинг энг зўри деб биламан) ўртасидаги рақобатни фавқулодда ҳодиса дейишган бўлса, демак, мен ҳам анча яхши мураббий бўлганман. Буни тушунардим, лекин охиригача ҳис қилмаган эканман. Энди эса мен мураббий эмасман ва орқага қараб: "Вау, мен ҳақиқатан ҳам анча яхши ишлабман", деб ўйлаб қоламан», — дея Клоппнинг сўзларини келтирмоқда TV2.
Юрген Клопп «Ливерпуль»ни 2015 йил октябридан 2024 йил январигача бошқарган. У «қизиллар» билан Чемпионлар Лигаси ва Премьер-лига чемпионлиги каби улкан муваффақиятларга эришган эди.
