Madridning "Real" klubi bosh murabbiyi Alvaro Arbeloa Ispaniya chempionati doirasida jamoa boshqaruvida 11 ta o‘yin o‘tkazdi. Bu vaqt ichida "qaymoqranglilar" 24 ochko jamg‘arishdi va uchta mag‘lubiyatga uchrashdi.
Touchline nashrining xabar berishicha, "qaymoqranglilar"ning avvalgi ustozi Xabi Alonsoning ko‘rsatkichlari yaxshiroq bo‘lgan. Uning qo‘l ostida "blankos" La Ligadagi dastlabki 11 ta o‘yinda faqat bir marta mag‘lubiyatga uchrab, 30 ochko to‘plagan edi.
Ayni damdagi so‘nggi bahsda "Real" kutilmaganda "Malyorka"ga imkoniyatni boy berdi (1:2) va bu bilan chempionlik poygasidagi vaziyatini qiyinlashtirib yubordi.













