Мадриднинг "Реал" клуби бош мураббийи Альваро Арбелоа Испания чемпионати доирасида жамоа бошқарувида 11 та ўйин ўтказди. Бу вақт ичида "қаймоқранглилар" 24 очко жамғаришди ва учта мағлубиятга учрашди.
Touchline нашрининг хабар беришича, "қаймоқранглилар"нинг аввалги устози Хаби Алонсонинг кўрсаткичлари яхшироқ бўлган. Унинг қўл остида "бланкос" Ла Лигадаги дастлабки 11 та ўйинда фақат бир марта мағлубиятга учраб, 30 очко тўплаган эди.
Айни дамдаги сўнгги баҳсда "Реал" кутилмаганда "Мальорка"га имкониятни бой берди (1:2) ва бу билан чемпионлик пойгасидаги вазиятини қийинлаштириб юборди.
