«Arsenal» yarim himoyachisi Maks Douman Chempionlar Ligasi 1/4 finalidan o‘rin olgan «Sporting»ga qarshi birinchi o‘yinda (1:0) 76-daqiqada zaxiradan maydonga tushdi.
16 yoshu 97 kunlik bo‘lgan ingliz futbolchisi bosh yevrokubok turnirining chorak finalida o‘ynagan tarixdagi eng yosh futbolchi sifatida rekord o‘rnatdi.
Shu tariqa, Douman «Barselona» vingeri Lamin Yamalning rekordini yangiladi. Yamal 2023/24 yilgi mavsumda «PSJ»ga qarshi bahsda maydonga tushganida 16 yoshu 272 kunlik edi.













