«Manchester Yunayted» yarim himoyachisi Amad Diallo Maykl Kerrikning joriy mavsum yakunlanganidan keyin ham bosh murabbiy lavozimida qolishini istaydi.
«Biz uning to‘g‘ri tanlov ekanligiga ishonamiz va hozirda qilayotgan ishlaridan juda mamnunmiz. Kerrik ushbu klubni boshqarish uchun ajoyib tajribaga ega, u o‘z ishini yaxshi uddalayapti va har bir futbolchi bilan aloqalari juda yaxshi. Shaxsan men uning kerakli inson ekanligiga ishonaman, lekin buni biz, futbolchilar hal qilmaymiz. Menimcha, klub qarorni mavsum yakunida qabul qiladi. Safimizda shunday yaxshi ishlayotgan bosh murabbiy borligidan xursandmiz, bu mening samimiy fikrim», — deya Dialloning so‘zlarini «The Telegraph» nashri keltirmoqda.
44 yoshli mutaxassis 2026 yil 13 yanvarda «Manchester Yunayted»ga 2025/2026 yilgi mavsum yakuniga qadar vaqtinchalik bosh murabbiy etib tayinlangan edi.
Hozirda «Manchester Yunayted» APL turnir jadvalida 55 ochko bilan uchinchi o‘rinda bormoqda.
