«Манчестер Юнайтед» ярим ҳимоячиси Амад Диалло Майкл Кэррикнинг жорий мавсум якунланганидан кейин ҳам бош мураббий лавозимида қолишини истайди.
«Биз унинг тўғри танлов эканлигига ишонамиз ва ҳозирда қилаётган ишларидан жуда мамнунмиз. Кэррик ушбу клубни бошқариш учун ажойиб тажрибага эга, у ўз ишини яхши уддалаяпти ва ҳар бир футболчи билан алоқалари жуда яхши. Шахсан мен унинг керакли инсон эканлигига ишонаман, лекин буни биз, футболчилар ҳал қилмаймиз. Менимча, клуб қарорни мавсум якунида қабул қилади. Сафимизда шундай яхши ишлаётган бош мураббий борлигидан хурсандмиз, бу менинг самимий фикрим», — дея Диаллонинг сўзларини «The Telegraph» нашри келтирмоқда.
44 ёшли мутахассис 2026 йил 13 январда «Манчестер Юнайтед»га 2025/2026 йилги мавсум якунига қадар вақтинчалик бош мураббий этиб тайинланган эди.
Ҳозирда «Манчестер Юнайтед» АПЛ турнир жадвалида 55 очко билан учинчи ўринда бормоқда.
