Madridning «Atletiko» klubi hujumchisi Antuan Grizmann Chempionlar ligasi chorak finalining dastlabki uchrashuvida «Barselona» ustidan qozonilgan g‘alabadan (2:0) so‘ng o‘z fikrlarini bildirdi.

O‘yinning 45-daqiqasida Xulian Alvares «matraschilar»ni hisobda oldinga olib chiqqan bo‘lsa, 70-daqiqada Aleksandr Syorlot ikkinchi to‘pni kiritdi. Kataloniyaliklar 44-daqiqadayoq bir kishi kam bo‘lib qolishgan edi — Pau Kubarsi to‘g‘ridan-to‘g‘ri qizil kartochka olib, maydondan chetlatildi.

«Yarim finalga chiqishga hali ancha bor — oldinda kamida 90 daqiqalik o‘yin turibdi. Biz xotirjamlikni saqlayapmiz va voqealardan ilgarilab ketmaymiz. Ustida ishlaydigan va yaxshilaydigan jihatlarimiz hali ko‘p. G‘alaba — bu ajoyib, ammo oldinda katta hajmdagi ish kutmoqda. Biz hali yarim finalda emasmiz», — deya UEFA Grizmanning so‘zlarini keltirmoqda.

Javob o‘yini 14 aprel kuni bo‘lib o‘tadi.