Мадриднинг «Атлетико» клуби ҳужумчиси Антуан Гризманн Чемпионлар лигаси чорак финалининг дастлабки учрашувида «Барселона» устидан қозонилган ғалабадан (2:0) сўнг ўз фикрларини билдирди.
Ўйиннинг 45-дақиқасида Хулиан Альварес «матрасчилар»ни ҳисобда олдинга олиб чиққан бўлса, 70-дақиқада Александр Сёрлот иккинчи тўпни киритди. Каталонияликлар 44-дақиқадаёқ бир киши кам бўлиб қолишган эди — Пау Кубарси тўғридан-тўғри қизил карточка олиб, майдондан четлатилди.
«Ярим финалга чиқишга ҳали анча бор — олдинда камида 90 дақиқалик ўйин турибди. Биз хотиржамликни сақлаяпмиз ва воқеалардан илгарилаб кетмаймиз. Устида ишлайдиган ва яхшилайдиган жиҳатларимиз ҳали кўп. Ғалаба — бу ажойиб, аммо олдинда катта ҳажмдаги иш кутмоқда. Биз ҳали ярим финалда эмасмиз», — дея УEФА Гризманнинг сўзларини келтирмоқда.
Жавоб ўйини 14 апрель куни бўлиб ўтади.
