"Liverpul" ustozi Arne Slot Chempionlar ligasi chorak finali doirasidagi "PSJ"ga qarshi kechgan ilk o‘yindagi (0:2) himoyaviy taktikasi haqida fikr bildirdi.
"Qizillar" asosiy e’tiborni himoyaga qaratishdi, buning natijasida hujumdagi o‘yin ishonchsiz chiqdi — darvoza tomon atigi 3 ta zarba va 26% to‘p nazorati qayd etildi.
"Siz biror jamoaning Parijga kelib, "PSJ"ga ketma-ket vaziyatlar yaratishga yo‘l qo‘ymaganini ko‘rganmisiz? Men ko‘plab o‘yinlarni ko‘rib chiqdim va barchasida bir xil manzara — taxminan bugungidek holat kuzatilgan. Ular shunchaki barcha raqiblaridan ustun kelishmoqda. Biz xulosa chiqarishimiz va "Enfild"da boshqacharoq o‘ynash imkonini beradigan reja ishlab chiqishimiz kerak. Aniqki, u yerda taktikamiz bugungidan butunlay farq qiladi, garchi mening fikrimcha, bu vaziyatda gap taktikada emas edi. "PSJ" o‘z uyida har qanday raqibni, u qanday uslubda o‘ynashidan qat’i nazar, "supurib" tashlaydi", – deya jurnalistlar bilan suhbatda bayon qildi Slot.
