"Barselona" hujumchisi Robert Levandovski kelayotgan yozda erkin agent sifatida jamoani tark etishi mumkin.

Polshalik futbolchining muddati tugab borayotgan shartnomasi haligacha uzaytirilgani yo‘q, vaholanki, mish-mishlarga ko‘ra, o‘yinchi maoshi kamayishiga rozi bo‘lgan holda ham qolishga tayyor. Jurnalist Nikolo Skiraning xabar berishicha, 37 yoshli futbolchi bo‘yicha Italiyaning "Yuventus" va "Milan" klublari allaqachon so‘rov yuborishgan. A Seriya ning har ikki vakili vaziyatni kuzatib borishmoqda va agar forvard ketishga qaror qilsa, muzokaralarni boshlashga tayyor.

Shuningdek, Robert Levandovskiga "Chikago Fayr" klubi ham qiziqish bildirgan, bundan tashqari, Turkiya va Saudiya Arabistonidan ham da’vogarlar borligi haqida xabarlar tarqalgan edi. Yulduzli faxriy 2022 yilning yozidan buyon kataloniyaliklar sharafini himoya qilib kelmoqda.