«Chelsi» bosh murabbiyi Liam Rosenyor Pep Gvardiola boshqaruvidagi «Manchester Siti»ga qarshi bo‘lajak o‘yin haqida o‘z fikrlarini bildirdi. Jamoalar yakshanba kuni Londonda APLning 32-turi doirasida o‘zaro to‘qnash kelishadi.

«Men boshqalarni hurmat qilmaydigan darajada kibor emasman. Pep futboldagi barchaga o‘z ta’sirini o‘tkazdi. U aql bovar qilmas faoliyatni boshdan kechirayotgan ajoyib murabbiy, lekin men yakshanba kuni jamoam nimalarga qodirligini ko‘rsatishini istayman.

Uch ochko bizni maqsadimizga yaqinlashtiradi. Chempionlar ligasiga yo‘llanma olish — hozir bor e’tiborimizni qaratgan yagona narsa. Ligada tushib ketmaslik uchun kurashayotgan, turnir jadvali o‘rtasida borayotgan yoki birinchi o‘rin uchun intilayotgan jamoalar bor — buning ahamiyati yo‘q. Ushbu ligada har bir o‘yin juda qiyin. Yakshanba kuni bizni jiddiy sinov kutmoqda, biroq biz uni intiqlik bilan kutyapmiz.

Pep ko‘plab sovrinlar yutdi, jamoani mustahkamladi. Shuningdek, unda o‘z uslubini shakllantirish uchun yetarlicha vaqt bo‘ldi. Biz diqqatni yo‘qotmasligimiz va xatolarga yo‘l qo‘ymasligimiz kerak, aks holda «Siti» bizni jazolaydi», — dedi Rosenyor o‘yin oldidan o‘tkazilgan matbuot anjumanida.

Ayni damda «Chelsi» 31 o‘yindan so‘ng 48 ochko bilan APLda 6-o‘rinni egallab turibdi. Ikkinchi o‘rinda borayotgan «Manchester Siti» hisobida esa 30 ta o‘yindan so‘ng 61 ochko mavjud.