«Real» bosh murabbiyi Alvaro Arbeloa La Liganing 31-turida «Jirona»ga qarshi o‘yindan (1:1) so‘ng Kilian Mbappe va Vinisius Juniorning samaradorligi haqida fikr bildirdi.

«Vinisius va Mbappe kabi statistikaga ega futbolchilar haqida xavotir olishim mumkin emas. Ular dunyodagi eng yaxshi to‘rt yoki besh futbolchi qatoriga kiradi. Bu borada umuman xavotir olmayapman.

Biz umumiy jihatdan kuchayishimiz kerak, ayniqsa o‘z jarima maydonida himoyalanib, deyarli hujumga chiqmaydigan jamoalarga qarshi o‘yinlarda. Bunday uslub bizga hali ham muammo tug‘dirmoqda. Bu — butun jamoaning o‘yiniga bog‘liq. Umid qilamanki, chorshanba kuni [«Bavariya»ga qarshi] biz yanada sovuqqon harakat qilamiz va bu [g‘alabasiz] seriyani yakunlaymiz», — dedi Arbeloa.