"Liverpul" himoyachisi Jo Gomes Chempionlar ligasi chorak finalining dastlabki uchrashuvida "PSJ"dan qabul qilingan mag‘lubiyat (0:2) haqida fikr bildirdi.
Uchrashuv 8 aprel kuni bo‘lib o‘tgan edi.
"Ayonki, hammasi biz xohlagandek bo‘lmadi. Uslub bir oz boshqacha edi. Raqib munosib ekanini hamma tushunib turibdi. "PSJ" ayni damda jahon futbolidagi eng kuchli jamoalardan biri.
Biz o‘z maydonimizdagi o‘yinlar qanday o‘tishini bilamiz. Menimcha, hamma gap ishonchda — biz futbolchilar, murabbiylar va muxlislarning ishonchida. Bizga o‘ziga xos oqshom kerak bo‘ladi, oldin ham bizda bunday oqshomlar bo‘lgan", — dedi Jo Gomes.
