Londonning «Arsenal» klubi futbolchisi Leandro Trossard jamoasining «Brentford»dan uchragan mag‘lubiyati (1:2) haqida fikr bildirdi.
«To‘pchilar» Premyer-liganing shanba kungi bahsida o‘z maydonlarida kutilmaganda «asalarilar»ga imkoniyatni boy berishdi.
«Bunday natijadan barchamizning hafsalamiz pir bo‘ldi. Bu muhim o‘yin edi, ammo endi hech narsani o‘zgartirib bo‘lmaydi. Yagona yo‘l — xatolardan xulosa chiqarish va oldinga intilish. Tarkibimizda jarohatlar bilan bog‘liq muammolar bor, biroq biz bahona qidirmasligimiz kerak. Bu safar jamoamiz o‘zining odatiy darajasini ko‘rsata olmadi. Biz hali ham turnir jadvali yuqorisidamiz, lekin o‘z ustimizda ishlashimiz shart», — dedi Trossar o‘z intervyusida.
«Arsenal» ikkinchi o‘rindagi «Manchester Siti»dan to‘qqiz ochko oldinda, biroq «shaharliklar» ixtiyorida zahiradagi ikkita o‘yin bor. Keyingi turda chempionlik uchun asosiy da’vogarlar o‘zaro to‘qnash kelishadi.
