«Manchester Yunayted»ning sobiq darvozaboni David de Xea Maykl Kerrikning mankunianliklar bosh murabbiyi sifatidagi faoliyatini yuqori baholadi.
De Xea va Kerrik 2011 yildan 2018 yilgacha «Yunayted»da birga to‘p tepishgan. Ushbu davr mobaynida ular APL chempionligi, Angliya Kubogi va Yevropa Ligasi sovrinini qo‘lga kiritishgan.
«U shunchaki hayratlanarli inson. U ajoyib yigit. Kerrik o‘yinchilar nimani his qilayotganini juda yaxshi biladi, shuning uchun u bilan suhbatlashish oson.
U ulkan ishni amalga oshirmoqda. «Yunayted» hozirda ko‘plab o‘yinlarda g‘alaba qozonmoqda, jamoa yaxshi o‘ynayapti. Umid qilamanki, ular Chempionlar Ligasi yo‘llanmasini qo‘lga kiritishadi va o‘sishda davom etishadi», — dedi hozirda «Fiorentina» sharafini himoya qilayotgan De Xea TNT Sports telekanaliga bergan intervyusida.
