«Манчестер Юнайтед»нинг собиқ дарвозабони Давид де Хеа Майкл Кэррикнинг манкунианликлар бош мураббийи сифатидаги фаолиятини юқори баҳолади.
Де Хеа ва Кэррик 2011 йилдан 2018 йилгача «Юнайтед»да бирга тўп тепишган. Ушбу давр мобайнида улар АПЛ чемпионлиги, Англия Кубоги ва Европа Лигаси совринини қўлга киритишган.
«У шунчаки ҳайратланарли инсон. У ажойиб йигит. Кэррик ўйинчилар нимани ҳис қилаётганини жуда яхши билади, шунинг учун у билан суҳбатлашиш осон.
У улкан ишни амалга оширмоқда. «Юнайтед» ҳозирда кўплаб ўйинларда ғалаба қозонмоқда, жамоа яхши ўйнаяпти. Умид қиламанки, улар Чемпионлар Лигаси йўлланмасини қўлга киритишади ва ўсишда давом этишади», — деди ҳозирда «Фиорентина» шарафини ҳимоя қилаётган Де Хеа TNT Sports телеканалига берган интервьюсида.
