«Manchester Yunayted» yarim himoyachisi Brunu Fernandesh hozirda «Napoli» sharafini himoya qilayotgan Kevin de Bryoyne haqidagi fikrlari bilan o‘rtoqlashdi.
«De Bryoynega qarshi maydonga tushish men uchun sharaf edi. Futbolni yaxshiroq tushunish uchun Kevin kabi futbolchilarga qarshi o‘ynash kerak. Maydonda undan ko‘p narsa o‘rganasan. U tavakkal qilishni yaxshi ko‘radigan va buning mevasini oladigan futbolchilar sirasiga kiradi», — dedi Fernandesh Jonatan Nortkroftga bergan intervyusida.
Eslatib o‘tamiz, Kevin de Bryoyne 2025 yilda «Manchester Siti»dan «Napoli» klubiga erkin agent sifatida o‘tgan edi. Uning shartnomasi 2027 yil 30 iyunga qadar mo‘ljallangan.
Joriy mavsumda yarim himoyachi Neapol klubi safida barcha turnirlarda 15 ta o‘yinda maydonga tushib, 4 ta gol urdi va 2 ta golli uzatmani amalga oshirdi.
