«Манчестер Юнайтед» ярим ҳимоячиси Бруну Фернандеш ҳозирда «Наполи» шарафини ҳимоя қилаётган Кевин де Брёйне ҳақидаги фикрлари билан ўртоқлашди.
«Де Брёйнега қарши майдонга тушиш мен учун шараф эди. Футболни яхшироқ тушуниш учун Кевин каби футболчиларга қарши ўйнаш керак. Майдонда ундан кўп нарса ўрганасан. У таваккал қилишни яхши кўрадиган ва бунинг мевасини оладиган футболчилар сирасига киради», — деди Фернандеш Жонатан Норткрофтга берган интервьюсида.
Эслатиб ўтамиз, Кевин де Брёйне 2025 йилда «Манчестер Сити»дан «Наполи» клубига эркин агент сифатида ўтган эди. Унинг шартномаси 2027 йил 30 июнга қадар мўлжалланган.
Жорий мавсумда ярим ҳимоячи Неаполь клуби сафида барча турнирларда 15 та ўйинда майдонга тушиб, 4 та гол урди ва 2 та голли узатмани амалга оширди.
