Angliya Premyer-ligasining 32-turida «Tottenxem» navbatdagi muvaffaqiyatsizlikka uchradi — klub «Sanderlend»ga 0:1 hisobida imkoniyatni boy berdi va xavfli hududda qoldi. O‘yin natijasini «qora mushuklar» sardori, kelib chiqishi alban bo‘lgan shveysariyalik futbolchi Granit Jaka izohladi.

«Bir necha haftalik safar o‘yinlaridan so‘ng o‘z uyimizda yaxshi o‘ynash va muxlislarimizni xursand qilish biz uchun juda muhim edi — va buni uddaladik. Butun mavsum davomida bizga xos bo‘lgan ishtiyoq va xohish yana uch ochkoni qo‘lga kiritishga yordam berdi.

«Sanderlend»ni hurmat qiling. Biz oxirigacha kurashamiz», — deya Jakaning so‘zlarini keltirmoqda BBC Sport.

Eslatib o‘tamiz, Granit Jaka ilgari «Tottenxem»ning asosiy raqibi «Arsenal» sharafini himoya qilgan.