Super og‘ir vazn toifasida IBF, WBA, WBO va IBO yo‘nalishlari bo‘yicha sobiq jahon chempioni, 36 yoshli britaniyalik Entoni Joshua o‘z hamyurti, afsonaviy Tayson Fyuriga qarshi ehtimoliy jang haqida gapirdi.
«Bu men uchun ajoyib jang bo‘ladi. Men ko‘p sinovlarni boshdan kechirdim, hayotimda qiyinchiliklar kam bo‘lmadi. Va bu to‘qnashuv men uchun ayni muddaodir. Men sportni tark etganim yo‘q, hech qachon ketaman deb aytmaganman. Shu sababli, bu chorlovni mamnuniyat bilan qabul qilaman. Bu — mening o‘yinim, hayotimning bir qismi va men bundan zavq olaman.
Men tayyor bo‘laman. 100 foiz tayyor bo‘laman. Men haliyam katta o‘yin ichidaman. Ko‘p yillardan beri, naq 10 yildan beri ushbu jangni kutganman! Va nihoyat, hozirda muzokaralar olib borilmoqda», — dedi Joshua jang yakunida bergan intervyusida.
Eslatib o‘tamiz, yaqindagina yakunlangan jangda Tayson Fyuri rossiyalik Arslanbek Mahmudovni hakamlar qaroriga ko‘ra mag‘lub etgan edi. Ushbu g‘alabadan so‘ng ikki britaniyalik super yulduz o‘rtasidagi jang ehtimoli yanada ortdi.
