Супер оғир вазн тоифасида IBF, WBA, WBO ва IBO йўналишлари бўйича собиқ жаҳон чемпиони, 36 ёшли британиялик Энтони Жошуа ўз ҳамюрти, афсонавий Тайсон Фьюрига қарши эҳтимолий жанг ҳақида гапирди.
«Бу мен учун ажойиб жанг бўлади. Мен кўп синовларни бошдан кечирдим, ҳаётимда қийинчиликлар кам бўлмади. Ва бу тўқнашув мен учун айни муддаодир. Мен спортни тарк этганим йўқ, ҳеч қачон кетаман деб айтмаганман. Шу сабабли, бу чорловни мамнуният билан қабул қиламан. Бу — менинг ўйиним, ҳаётимнинг бир қисми ва мен бундан завқ оламан.
Мен тайёр бўламан. 100 фоиз тайёр бўламан. Мен ҳалиям катта ўйин ичидаман. Кўп йиллардан бери, нақ 10 йилдан бери ушбу жангни кутганман! Ва ниҳоят, ҳозирда музокаралар олиб борилмоқда», — деди Жошуа жанг якунида берган интервьюсида.
Эслатиб ўтамиз, яқиндагина якунланган жангда Тайсон Фьюри россиялик Арсланбек Маҳмудовни ҳакамлар қарорига кўра мағлуб этган эди. Ушбу ғалабадан сўнг икки британиялик супер юлдуз ўртасидаги жанг эҳтимоли янада ортди.
