Milanning «Inter» klubi chap qanot himoyachisi Karlos Augusto o‘z kelajagi haqida fikr bildirdi.

«Neradzurrilar» braziliyalik futbolchi bilan yangi shartnoma imzolashdan manfaatdor, biroq tarqalgan mish-mishlarga ko‘ra, futbolchi jamoadagi o‘z rolidan unchalik mamnun emas, shu sababli muzokaralarni boshlashga shoshilmayapti.

«Shartnomani uzaytirish? Bu borada muhokamalar ketmoqda, lekin hozir bor e’tiborim oldinda turgan ikki oyga qaratilgan. Vazifamiz — joriy mavsum yakuniga qadar ikkita kubokni qo‘lga kiritish. Shartnomam haqida esa keyinroq o‘ylab ko‘ramiz», — dedi Augusto A Seriyaning yakshanba kungi bahsida «Komo» ustidan qozonilgan g‘alabadan (4:3) keyingi matbuot anjumanida.

27 yoshli lateralning amaldagi kelishuvi 2028 yilgacha mo‘ljallangan.