Миланнинг «Интер» клуби чап қанот ҳимоячиси Карлос Аугусто ўз келажаги ҳақида фикр билдирди.

«Нерадзуррилар» бразилиялик футболчи билан янги шартнома имзолашдан манфаатдор, бироқ тарқалган миш-мишларга кўра, футболчи жамоадаги ўз ролидан унчалик мамнун эмас, шу сабабли музокараларни бошлашга шошилмаяпти.

«Шартномани узайтириш? Бу борада муҳокамалар кетмоқда, лекин ҳозир бор эътиборим олдинда турган икки ойга қаратилган. Вазифамиз — жорий мавсум якунига қадар иккита кубокни қўлга киритиш. Шартномам ҳақида эса кейинроқ ўйлаб кўрамиз», — деди Аугусто А Сериянинг якшанба кунги баҳсида «Комо» устидан қозонилган ғалабадан (4:3) кейинги матбуот анжуманида.

27 ёшли латералнинг амалдаги келишуви 2028 йилгача мўлжалланган.