Italiya chempionatining 32-turida Milanning «Inter» klubi «Komo» ustidan 4:3 hisobida g‘alaba qozonib, «Napoli»ning durangidan so‘ng turnir jadvalidagi peshqadamligini yanada mustahkamladi. Uchrashuv qahramonlaridan biri — Nikolo Barella o‘yin tafsilotlariga to‘xtalib o‘tdi.

«Biz ortiqcha qiyinchiliksiz ham g‘alaba qozonishimiz mumkin edi, ammo «Komo» — ajoyib futbol o‘ynaydigan kuchli jamoa. Biroq biz ham, ayniqsa ikkinchi bo‘limda yaxshi o‘yin ko‘rsatdik. G‘alabaga bo‘lgan ishtiyoqimiz yuqori ekanligini yana bir bor isbotladik, lekin chempionatda hali hech narsa hal bo‘lgan yo‘q deb hisoblayman», — deya futbolchining so‘zlarini keltirmoqda fcinter1908.it.

Eslatib o‘tamiz, Barella 2020 yildan beri «Inter» sharafini himoya qilib kelmoqda.