Maykl Ouen APLdagi chempionlik poygasining borishi haqida o‘z fikrlarini bildirdi. 32-turdan so‘ng «Arsenal» turnir jadvalida peshqadamlik qilmoqda. Ular bitta zaxira o‘yiniga ega bo‘lgan va ikkinchi o‘rinda borayotgan «Manchester Siti»dan 6 ochko oldinda.

«Menimcha, «Man Siti»ni biroz qiyinroq o‘yinlar kutmoqda. Ular safarda «Bornmut» va «Everton»ga qarshi bahs olib borishadi. Bu ikkita murakkab to‘qnashuv. Biroq o‘tgan dam olish kunlariga e’tibor qaratsak, biz «Arsenal» o‘z uyida «Bornmut»ni mag‘lub etadi (1:2), «Siti»da esa «Chelsi» mehmoni bo‘lganda (3:0) muammolar yuzaga keladi, deb o‘ylagan edik.

Hamma narsa «Siti» foydasiga ishora qilmoqda: jamoaning olgan sur’ati, Gvardiolaning yutuqlar ro‘yxati, futbolchilarning tajribasi, hozirgi sport formasi va «Arsenal»ga qarshi o‘z uyidagi o‘yin. Bu xuddi tanga tashlashdek gap, ammo hammasi «Arsenal» foydasiga ham hal bo‘lib ketishi mumkin», — dedi Angliya terma jamoasining sobiq hujumchisi.