Майкл Оуэн АПЛдаги чемпионлик пойгасининг бориши ҳақида ўз фикрларини билдирди. 32-турдан сўнг «Арсенал» турнир жадвалида пешқадамлик қилмоқда. Улар битта захира ўйинига эга бўлган ва иккинчи ўринда бораётган «Манчестер Сити»дан 6 очко олдинда.

«Менимча, «Ман Сити»ни бироз қийинроқ ўйинлар кутмоқда. Улар сафарда «Борнмут» ва «Эвертон»га қарши баҳс олиб боришади. Бу иккита мураккаб тўқнашув. Бироқ ўтган дам олиш кунларига эътибор қаратсак, биз «Арсенал» ўз уйида «Борнмут»ни мағлуб этади (1:2), «Сити»да эса «Челси» меҳмони бўлганда (3:0) муаммолар юзага келади, деб ўйлаган эдик.

Ҳамма нарса «Сити» фойдасига ишора қилмоқда: жамоанинг олган суръати, Гвардиоланинг ютуқлар рўйхати, футболчиларнинг тажрибаси, ҳозирги спорт формаси ва «Арсенал»га қарши ўз уйидаги ўйин. Бу худди танга ташлашдек гап, аммо ҳаммаси «Арсенал» фойдасига ҳам ҳал бўлиб кетиши мумкин», — деди Англия терма жамоасининг собиқ ҳужумчиси.